[Balfin Construction]

Tirane

Nr. Njesia - Zona me e afert?

Tipi

1. me orar te plote

Fusha | Profili i punes

1. Inxh. Elektrike | Elektronike

Gjuha

1. anglisht

Eksperienca

vetem me eksperience

POZICION VAKANT

Kompania Mane TCI, pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001, Mane TCI është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Holandë dhe Kroaci me afërsisht 5,200 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.

Pozicioni: Drejtues Teknik për Projektim të Sistemeve Elektrike
Vendndodhja: Tiranë

Përmbledhja e Pozicionit: Kryeson procesin për hartimin e detyrës së projektimit, ndjekja dhe koordinimi i projekteve Elektrike dhe Mbikëqyrjes, koordinimi me studiot e projektimit. Prezantimi i alternativave të reja në lidhje me teknologjitë e ndërtimit dhe të rejat në fushën e sistemeve elektrike.

Detyrat dhe Përgjegjësitë Kryesore:

Menaxheriale

• Udhëheq procesin për hartimin e detyrës së projektimit;
• Pjesëmarrje në studimet e fizibilitetit për plane të mundshme zhvillimi;
• Pjesëmarrje në përzgjedhjen e grupit/studios të projektimit;
• Anëtar i përhershëm në mbledhjet e Këshillit Teknik të kompanisë;
• Organizon oponencën e projektit nga faza e projekt idesë deri në fazën e projektit të zbatimit;
• Merr pjesë në procesin e përgatitjes së dosjeve për miratimin e lejes së ndërtimit dhe atë të shfrytëzimit;
• Jep konsulencë teknike gjatë periudhës së nënshkrimit të kontratës midis Shoqërisë Investitore dhe Sipërmarrësve;
• Konsulencë & Mbikëqyrje me kompetenca të plota në përputhje me kontratën dypalëshe të lidhur midis Kompanive Investitore dhe Sipërmarrësve;
• Studim tregu paraprakisht në lidhje me tarifat e projektimit;
• Konsulencë ndaj investitorit në lidhje me alternativat e reja që përfshin disiplinën e arkitekturës punimet civile dhe teknologjitë e reja të ndërtimit;
• Oponencë ndaj projekteve të reja që paraqiten nga studiot e projektimit në lidhje me projektin e arkitekturës;
• Përpilimi i planit të punës për stafin në varësi në lidhje me projektimin;
• Orienton vartësit në procesin e punës;
• Jep feedback në mënyrë të vazhdueshme për ta;
• Ndjek ecurinë dhe zhvillimin e tyre, siguron asistence teknike, monitoron progresin e punës dhe bën vlerësimin e performancës;
• Në bashkëpunim me BNJ, përgatit vlerësimin e performancës për punonjësit që janë në varësi të tij dhe miraton vlerësimin e performancës për nivelin e dytë dhe të tretë të organizimit të departamentit.

Operacionale

• Studion dhe njihet me Projektin e Zhvilluar dhe specifikimet e tij;
• Analizon vizatimet ne përputhje me projektet e zhvilluara. Herë pas here kryhen edhe plotësime;
• Mbikëqyr cilësinë dhe afatet e punimeve elektrike në projektet ku kërkohet mbikëqyrje teknike në zbatim;
• Suporton, monitoron dhe është përgjegjës për projektimet elektrike që zhvillohen nga struktura e brendeshme e projektimit.

Edukimi: Diplomë Universitare në Inxhinieri Elektrike
Kualifikime të tjera:

• Eksperiencë 15 vjeçare në Projektim dhe Zbatim punimesh;
• Eksperiencë në Mbikëqyrje punimesh, është avantazh;
• Aftësi për të sugjeruar zgjidhje dhe për të marrë vendime;
• Aftësi kritike mbi detajet e rifiniturës e shprehur në anën funksionale dhe estetike;
• Aftësi për të koordinuar punën dhe projektet përkatëse;
• Aftësi për të punuar në skuadër;
• Aftësi menaxhuese, koordinuese, organizuese;
• Njohje shumë e mirë e gjuhës angleze, gjuhë të tjera të huaja do të ishin avantazh;
• Njohje shumë e mirë e legjislacionit për urbanistikën;
• Përdorimi i paketës 2D dhe 3D, AutoCad, me përparësi do të ishin edhe programet e avancuara si Revit etj.

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në adresën recruitment@manetci.al brenda datës 10 Janar 2023.

Pas shqyrtimit do të kontaktohen vetëm kandidatët e përzgjedhur.
*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.