[Progeen Construction]

Tirane

Tipi

1. me orar te plote

Fusha | Profili i punes

1. Inxhinieri
2. Inxh. Ndertimi

Eksperienca

vetem me eksperience

Progeen, është një shoqëri private me eksperiencë 11 vjeçare në industrinë e ndërtimit në Shqipëri. Progeen aplikon standardet më të larta të profesionalizmit në veprimtarinë e tij, duke garantuar cilësi dhe besueshmëri absolute tek klientët dhe partnerët. Progeen çmon më së shumti kapitalin njerëzor të profesionistëve, të cilit i beson suksesin e çdo projekti.

Roli: Inxhinier Përpunues për Projekte Strukturore
Departamenti i Projektimit|Skuadra e Strukturës
Vendndodhja: Tiranë

Përmbledhja e Rolit
Kërkojmë një Inxhinier Ndërtimi, për t’ju bashkuar skuadrës së projektimit e cila merret me projektimin, analizimin dhe optimizimin e strukturës së objekteve civile apo industriale.

Përgjegjësitë:

• Të përpunojë projektet e strukturave të objekteve civile dhe industriale duke u referuar normave dhe standardeve evropiane të projektimit;
• Të marrë pjesë në llogaritjen e ngarkesave të përhershme dhe të përkohshme të strukturave të objekteve civile dhe industriale;
• Të marrë pjesë në përzgjedhjen e materialeve të përshtatshme mbi bazën e karakteristikave të strukturës që projektohet;
• Të përpunojë vizatimet, raportet finale dhe preventivat e objekteve civile dhe industriale;
• Të jetë pjesë e skuadrës së Strukturës në mbikëqyrjen e proceseve të ndërtimit të karabinasë të objekteve dhe në zgjidhjen e problematikave që hasen gjatë kësaj faze;
• Të bashkëpunojë dhe bashkëveprojë punën me kolegët e Departamentit Teknik të shoqërisë si arkitektët, inxhinierin mekanik, elektrik, si dhe inxhinierë të disiplinave të tjera, për të pasur një produkt final cilësor dhe me kosto sa më efektive.

Kualifikimet:

• Diplomë në Inxhinieri Ndërtimi, profili Strukturist;
• Eksperiencë pune mbi 2 vjet;
• Të ketë njohuri të metodave, materialeve dhe normave të ndërtimit;
• Të jetë i aftë të përshtatet me teknologjinë dhe kërkesat e reja që dikton tregu i ndërtimeve;
• Të jetë i aftë të punojë në grup, në bashkëpunim e bashkëveprim me anëtarët e tjerë të stafit të shoqërisë.

Mënyra e aplikimit
Të interesuarit të dërgojnë CV-në në adresën hr@progeen.com, duke specifikuar në subjekt të email-it titullin e pozicionit brenda datës 11.11.2024.

Do të kontaktohen vetëm kandidatët e përzgjedhur për fazën e intervistimit.

*Të gjitha aplikimet do të trajtohen me konfidencialitet të plotë sipas ligjit Nr. 9887, Datë 10.3.2008 “Për Mbrojtjen e të Dhënave Personale”