[Balfin DEVELOPMENT]

Tirane

Tipi

1. me orar te plote

Fusha | Profili i punes

1. Menaxhim

Gjuha

1. anglisht

Eksperienca

vetem me eksperience

Mane Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit.
Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Mane Development ka vendosur standardet e tregut duke përmirësuar ndjeshëm stilin e jetës në komunitet.

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe SHBA, me afërsisht 5,000 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale

Pozicioni: Menaxher Projekti
Vendndodhja: Tiranë

Përmbledhja e Pozicionit: Menaxheri i Projektit do të luajë një rol kryesor për zhvillimin, monitorimin dhe përfundimin në kohë të projektit. Ai do të jetë përgjegjës për koordinimin e aktiviteteve të projektit, burimeve dhe palëve të interesuara, duke siguruar respektimin e cilësisë, sigurisë dhe kërkesave buxhetore. Detyrat kryesore përfshijnë menaxhimin e çdo objektivi strategjik dhe aspektin e biznesit të projektit, menaxhimin e procesit të hartimit të projektit, fazat e rishikimit, aktet e kontrollit gjatë zbatimit, certifikatën e përdorimit të ndërtesës dhe aktin e miratimit. Në kryerjen e këtyre detyrave, ai duhet të menaxhojë, koordinojë, organizojë, mbikëqyrë, monitorojë dhe të sigurojë vendime kyçe që projekti të jetë brenda objektivave strategjike, të nxisë rezultate të suksesshme dhe të tejkalojë pritshmëritë e klientit.

Detyrat dhe Përgjegjësitë Kryesore:

• Drejton dhe menaxhon projektin nga fillimi deri në përfundim, në mënyrë që të përmbushen objektivat strategjikë duke siguruar respektimin e planeve të projektit, buxheteve dhe standardeve të cilësisë;
• Bashkëpunon me Menaxherin e Programit për të kuptuar kërkesat, objektivat, rezultatet e projektit dhe për të zhvilluar plane gjithëpërfshirëse të projektit në përputhje me rrethanat;
• Menaxhon të gjitha fazat e projektimit të projektit që përbëhen nga Koncepti i Dizajnit, Projektimi i Lejeve dhe Dokumentacioni i Ndërtimit që duhet të kompletohen në kohën e duhur duke ekzekutuar masa kontraktuale për të mitiguar devijancat;
• Monitoron menaxhimin e kontratave për pajtueshmërinë dhe përmbushjen e të gjitha standardeve të kompanisë, standardeve të projektimit, specifikimeve teknike, planeve të projektit dhe planit të biznesit të hartuar;
• Koordinon dhe menaxhon burimet e projektit, duke përfshirë burimet njerëzore, pajisjet dhe materialet që përfitojnë nga projekti në kosto, afat kohor ose optimizim të cilësisë;
• Informon dhe mbështet strukturat përkatëse të Kompanisë për të marrë dokumentacionin e Pronësisë së Tokës dhe të gjitha lejet përkatëse për të filluar Zbatimin e Projektit;
• Nxit marrëdhënie të forta me klientët dhe kontraktorët, duke kultivuar partneritete që nxisin rezultate të suksesshme të projektit dhe mundësitë e ardhshme të biznesit;
• Monitoron progresin e projektit, gjurmon pikat kryesore dhe siguron përditësime të rregullta të statusit për palët e interesuara, si brenda ashtu edhe jashtë;
• Menaxhon buxhetin dhe devijimet e projektit;
• Krijon dhe mban marrëdhënie me të gjithë homologët e projektit duke siguruar shkëmbim të qartë dhe në kohë të informacionit;
• Bashkëpunon me strukturat përkatëse për të përcaktuar dhe analizuar kostot e projektit. Të sigurohet që procedurat tekniko-administrative të kompanisë janë zbatuar plotësisht;
• Miraton penalitete për mospërmbushje dhe/ose dëmtime të projektit;
• Monitoron zbatimin e kontratave me Kontraktorin e Përgjithshëm gjatë punimeve të ndërtimit;
• Menaxhon skedulin e punës së projektit dhe monitoron progresin. Planifikon masat zbutëse për të arritur përfundimin e projektit në kohë, me buxhet dhe në cilësinë e pritshme;
• I jep zgjidhje Kontraktorit të Përgjithshëm për të zgjidhur paqartësitë, problemet dhe për të siguruar përfundimin me sukses të projektit;
• Viziton vendin dhe ofron mbështetje për procesin e projektimit dhe ndërtimit;
• Monitoron zbatimin e punimeve në përputhje me standardet/vlerat/filozofinë e kompanisë;
• Menaxhon dokumentacionin e të gjitha fazave të projektimit dhe ndërtimit të projektit. Përgatit plane afatshkurtra në varësi të progresit të projektit;
• Sigurohet që të gjitha kërkesat dhe objektivat e projektit të jenë të dokumentuara siç duhet;
• Përgatit raporte periodike të progresit deri në proçedurën e dorëzimit;
• Miraton (IPC-të) mujore dhe raportet mujore të kostos së projektit;
• Angazhon strukturat e caktuara për Menaxhimin e Marrëdhënieve me Klientët. Siguron një rol vendimmarrës për strategjitë e parashikimit për marketing dhe shitje;
• Monitoron dhe ofron zgjidhje për kërkesat e Klientit. Menaxhon angazhimin e homologëve të tjerë në këtë proces;
• Menaxhon procedurat e dorëzimit dhe Hipotekës;
• Kërkon vazhdimisht mundësi për përmirësimin e procesit, inovacionin dhe optimizimin e kostos për të rritur rezultatet në përfundim të projektit dhe kënaqësinë e klientit;
• Kryen detyra të tjera të caktuara në lidhje me Projektin;

Edukimi: Diplomë në Arkitekturë / Inxhinieri Ndërtimi / Inxhinieri Hidroteknike / Menaxhim

Kualifikime të Tjera:

• Të ketë minimumi 5 vite përvojë pune në Menaxhimin e Projekteve, me fokus në projektet e ndërtimit;
• Njohuri të forta të metodologjive, mjeteve dhe praktikave më të mira të menaxhimit të projektit;
• Njohuri për proceset e lejeve të ndërtimit, parimet e ndërtimit dhe materialet e ndërtimit;
• Aftësi të demonstruara për të menaxhuar projekte dhe kontrata të ndryshme specifike të përfshira në projekte ndërtimi;
• Aftësi të shkëlqyera organizative dhe kryerja e disa detyrave njëkohësisht, me aftësi për të menaxhuar, organizuar, planifikuar dhe komunikuar në mënyrë efikase;
• Përdorimi i aftësive dhe mjeteve të menaxhimit të projektit për të planifikuar, monitoruar dhe kontrolluar aktivitetet e projektit;
• Aftësi të jashtëzakonshme për zgjidhjen e problemeve, me një mentalitet proaktiv dhe të orientuar drejt zgjidhjes;
• Aftësi të demonstruara për të analizuar dhe shpjeguar projektet e ndërtimit, korrespondencën e biznesit, kontratat, procedurat dhe manualet teknike;
• Aftësi e demonstruar për të menaxhuar buxhetet e projekteve, për të ndjekur kostot dhe për të ofruar projekte brenda kufizimeve financiare;
• Aftësi për të paraqitur çështjet në mënyrë sa më efikase, aftësi të shkëlqyera komunikimi verbale dhe të shkruara, hartimi i raporteve, etj.;
• Aftësi të forta drejtuese, aftësi për të inicuar dhe për të qenë fleksibël ndaj nevojave të projektit dhe për të bashkëpunuar me ekipe ndërfunksionale;
• Njohuri të larta të gjuhës angleze (njohja e një gjuhe tjetër të BE-së është avantazh);
• Ka njohuri dhe ekspertizë të gjerë në përdorimin e programeve (MS-PROJECT ose PRIMAVERA), EXCEL, POWERPOINT, WORD, CAD, etj.;
• Aftësi të forta negociuese dhe të zgjidhjes së konflikteve;
• Aftësia për të ndërtuar dhe mbajtur marrëdhënie pozitive me palët e interesuara në të gjitha nivelet;
• Vëmendje e madhe ndaj detajeve për të siguruar saktësi dhe cilësi në rezultatet e projektit;
• Demonstron integritet dhe sjellje etike në të gjitha ndërveprimet dhe vendimet.

Mënyra e Aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në linkun:
https://manedevelopment.zohorecruit...00001128208/Project-Manager?source=CareerSite

Afati i aplikimit: 24/08/2023

Pas shqyrtimit do të kontaktohen vetëm kandidatët e përzgjedhur.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.