[Balfin Construction]

Tirane

Nr. Njesia - Zona me e afert?

Tipi

1. me orar te plote

Fusha | Profili i punes

1. Arkitekture

Gjuha

1. anglisht

Eksperienca

vetem me eksperience

POZICION VAKANT

Kompania Mane TCI, pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001, Mane TCI është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Holandë dhe Kroaci me afërsisht 5,200 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.

Pozicioni: Menaxher i Njësisë së Projektimit
Vendndodhja: Tiranë

Përmbledhja e Pozicionit: Njësia e Projektimit është përgjegjëse e realizimit dhe kontrollit të projekteve teknike. Njësia e Projektimit bashkëpunon e koordinon punën me njësitë e tjera të shoqërisë për të siguruar projekte teknike cilësore të gatshme për zbatim. Është përgjegjëse për hartimin e strategjisë dhe planit të punës për të gjitha projektet që merren përsipër të projektohen nga kompania. Kryeson procesin për hartimin e detyrës së projektimit, ndjekjen dhe koordinimin e projekteve të arkitekturës, elektrike, mekanike dhe ato të zbatimit dhe dorëzimin e protokolluar të projekteve të përfunduara tek Koordinatorët e Projektit. Është përgjegjës për hartimin e preventivave sipas cmimeve përkatëse të projekteve teknike që realizohen nga shoqëria.

Detyrat dhe Përgjegjësitë Kryesore:

• Përgatit detyrën e Projektimit (ToR-et) në fuksion të kërkesave për projektim në bashkëpunim me Projekt/Program menaxherët;
• Kontrollon dhe miraton projektet teknike, preventivat, si dhe specifikimet teknike duke

siguruar zbatimin e standardeve dhe kushteve teknike në përputhje me ToR-et, Planet
e Menaxhimit Mjedisore e Sociale apo kriteret e kërkuara;

• Me kërkesën e Projekt Menaxherëve, kontrollon dhe komenton zgjidhjen teknike të

urdhrave të ndryshimit (UN) të kontratave të punimeve civile sipas projekteve përkatës që janë marrë përsipër të hartohen nga kompania;

• Raporton për aktivitetin e njësisë sipas standardeve dhe afateve të përcaktuara;
• Përgatit planin vjetor dhe tremujor të aktiviteteve dhe ndjek ecurinë e tyre sipas planit;
• Përshtat projektet (elektrike & mekanike & hidraulike) sipas ndryshimeve referuar kërkesave të klientëve;
• Harton projektet përkatëse sipas fushës së ekspertizës që mbulon;
• Rishikon dhe harton koston e instalimeve elektrike, mekanike, hidraulike duke përgatitur preventivin total;
• Garanton materialet (dokumentet) e domosdoshme për lidhjen me infrastrukturën, lejet e miratimet e enteve përkatëse, lejet e shfrytëzimit të objekteve, akt kolaudimet pjesore dhe përfundimtare;
• Përpilon dhe koordinon punën për përgatitjen e manualeve të mirëmbajtjes të instalimeve mekanike, elektrike dhe hidraulike;
• Rishikim periodik i legjislacionit dhe botimeve në Fletoren Zyrtare, në lidhje me çështje të kostove të ndërtimit dhe procedurave të kontrollit tatimor;
• Rishikim i analizave teknike dhe manualit të çmimeve sipas tregut dhe publikimeve zyrtare;
• Hartimi dhe kontrolli i preventivave të punimeve për projektet teknike;
• Në bashkëpunim me BNJ, përgatit vlerësimin e performancës për punonjësit që janë në varësi direkte të tij;
• Drejton njësinë e projektimit:
• Përcakton nevojat për staf, organizon punën dhe miraton detyrat në koordinim me drejtorin teknik;
• Menaxhon dhe kontrollon zbatimin e detyrave;
• Orienton vartësit në procesin e punës;
• Jep feedback në mënyrë të vazhdueshme për ta;
• Ndjek ecurinë dhe zhvillimin e tyre, siguron asistence teknike, monitoron progresin e punës dhe bën vlerësimin e performancës.

Edukimi: Diplomë Universitare, Master në Arkitekturë.
Kualifikime të tjera:

• Eksperiencë 15 vjeçare në projektim;
• Aftësi për të sugjeruar zgjidhje dhe për të marrë vendime;
• Aftësi kritike mbi detajet e projektimit e shprehur në anën funksionale dhe estetike;
• Aftësi për të koordinuar punën dhe projektet përkatëse;
• Aftësi për të punuar në skuadër;
• Aftësi menaxhuese, koordinuese, organizuese;
• Njohje shumë e mirë e gjuhës angleze, gjuhë të tjera të huaja do të ishin avantazh;
• Njohje shumë e mirë e legjislacionit për Punimet e Ndërtimit.

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në adresën recruitment@manetci.al brenda datës 10 Janar 2023.
Pas shqyrtimit do të kontaktohen vetëm kandidatët e përzgjedhur.
*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.