[Balfin Construction]

Tirane

Tipi

1. me orar te plote

Fusha | Profili i punes

1. Arkitekture

Gjuha

1. anglisht

Eksperienca

vetem me eksperience

Kompania Mane TCI, pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001, Mane TCI është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër dhe Holandë, me afërsisht 5,200 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.

Pozicioni: Arkitekt Projektimi
Departamenti: Teknik
Vendndodhja: Tiranë

Përmbledhja e Pozicionit: Arkitekti Projektues është përgjegjës për projektimin e ndërtesave për të krijuar struktura unike dhe të mirëorganizuara. Harton detyra projektimi, koordinon dhe drejton punën me arkitektët përpunues, koordinon punën me projektuesit e disiplinave të tjera brenda ose jashtë kompanisë, përgatit vizatime arkitekturore, përgatit paketa të tenderimit, programon proceset e punimeve arkitekturore, koordinon me drejtuesit e ekipeve për punimet e rifiniturave arkitekturore, mbikqyr cilësinë e punimeve dhe afatet e punimeve arkitekturore dhe materialeve.

Detyrat dhe Përgjegjësitë Kryesore:

• Projekton, planifikon dhe mbikëqyr procesin e projektimit;
• Harton detyrat e projektimit, relacionet teknike dhe specifikimet teknike për projektin arkitektonik;
• Përgatit kërkesat/detyrën e projektimit për përcaktimin e projektuesve bashkëpunëtorëve të jashtëm;
• Koordinon procesin edhe për disiplinat e tjera. I jep departamentit të prokurimeve informacionin e nevojshëm për tenderim;
• Është përgjegjës për sigurinë, përshtatshmërinë, ligjshmërinë dhe estetikën e ndërtesave;
• Harton strukturat/vizatimet/planet në përputhje me kërkesat e Investitorit dhe me ligjet / rregulloret në fuqi;
• Merr në konsideratë llojin e ndërtimit në përputhje me kantierin, klimën si dhe ndërtesat përreth;
• Organizon dhe mbikqyr punën e stafit përpunues të projekteve;
• Bashkëpunon me stafin e inxhinierëve, planifikuesit urbanë, kontraktorët, dhe arkitektë të tjerë brenda ose jashtë kompanisë;
• Koordinon punën e projektuesve të disiplinave të tjera të përfshirë në projekt;
• Eshtë përgjegjës për përgatitjen e dosjes së plotë të projekteve për Leje Ndërtimi;
• Mbikqyr dhe merr pjesë në përgatitjen dhe mirëmbajtjen e të dhënave të kostos të cilat janë përdorur në përgatitjen e vlerësimeve të kostos për projekte të reja;
• Mbikëqyr cilësinë e punimeve, afatet e punimeve arkitekturore dhe materialeve;
• Koordinon me drejtuesit e ekipeve për punimet e rifiniturave arkitekturore;
• Analizon kërkesat e Klientëve/Investitorit për ndryshime në projekt, në bashkëpunim me stafin e kantierit;
• Ofron shërbime të ndryshme para projektuese të cilat mund të përfshijnë kryerjen e fizibilitetit dhe studimeve të ndikimit në mjedis, duke zgjedhur kantierin ose duke specifikuar kërkesat e projektimit;
• Njohja me procedurat e kompanisë, me nënkontraktorët, njohja dhe ndjekja e kontratave të projektuesve dhe oponentëve;
• Koordinimi dhe dhënia e informacioneve të nevojshme departamentit të financës në lidhje me ecurinë e projekteve dhe faturimeve;
• Harton raporte javore në lidhje me ecurinë e proceseve që ka në ngarkim;
• Detyra të tjera që mund të ngarkohen.

Edukimi: Të zotërojë diplomë universiteti, profili Arkitekturë.

Kualifikime të tjera:

• Të paktën 10 vite experiencë si në fushën e projektimit dhe të zbatimit;
• Aftësi kreative në projektim;
• Aftësi për të sugjeruar zgjidhje dhe për të marrë vendime;
• Aftësi të mira komunikuese dhe shprehje e qartë e ideve dhe zgjidhjeve;
• Aftesi kritike mbi detajet e rifiniturës e shprehur në anën funksionale dhe estetike;
• Aftësi për të koordinuar punën dhe projektet përkatëse;
• Aftësi për të punuar në skuadër;
• Njohje shumë e mirë e gjuhës angleze, gjuhë të tjera të huaja do të ishin avantazh;
• Njohje shumë e mirë e legjislacionit për urbanistikën;
• Përdorimi i paketës 2D dhe 3D, Auto Cad, Revit, Office, etj.

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në linkun https://manetci.zohorecruit.eu/jobs/Careers/21072000001108023/Arkitekt-Projektimi?source=CareerSite

Afati i aplikimit: 30/12/2022

Pas shqyrtimit do të kontaktohen vetëm kandidatët e përzgjedhur.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.