[Balfin Real Estate]

Tirane

Tipi

1. me orar te plote

Fusha | Profili i punes

1. Ekonomist-Financier/e

Gjuha

1. anglisht

Eksperienca

vetem me eksperience

Balkan Finance Investment Group, Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Malin e Zi dhe Holandë, me afërsisht 6,000 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me pakicë, industrinë minerare, sistemin bankar, turizmin, energjinë, logjistikën, etj. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.
Balfin Real Estate & Hospitality është pjesë e Grupit BALFIN dhe mbulon shërbime shitje & marketing në fushën e Real Estate dhe shërbime akomoduese në industrinë e turizmit, duke ofruar në treg një ekspertizë të nivelit të lartë.

Pozicioni: Përgjegjës Kontabiliteti
Departamenti: Financë
Vendndodhja: Tiranë

Përmbledhja e Pozicionit:
Puna e Përgjegjësit të Kontabilitetit konsiston në përgatitjen e informacionit financiar dhe kontabilizimin e veprimeve financiare, kryen regjistrimin dhe kontrollin e të gjitha të dhënave në sistemin kontabël të shoqërisë duke u bazuar në kontrata, fatura shitje dhe blerje, lëvizjet bankare, etj. Planifikon, koordinon dhe drejton veprimet financiare në konsultim me drejtuesin e departamentit dhe menaxherët e njësive të kompanisë, përgatit raporte, etj.

Detyrat dhe Përgjegjësitë Kryesore:

• Ndarja e detyrave dhe ndjekja e punës së stafit si dhe monitorim i performancës së përditshme të departamentit të kontabilitetit;
• Mbikëqyr transaksionet e përditshme, duke përfshirë llogaritë e pagueshme/arkëtueshme, llogaritë e përgjithshme si dhe transaksionet bankare;
• Kontroll i regjistrimeve kontabël në bazë të standardeve ndërkombëtare të kontabilitetit si dhe në përputhje me Legjislacionin Fiskal në Fuqi dhe merr vendime për ndryshime në standardet e përdorura nga kompania;
• I dërgon Drejtuesit të Financës raporte dhe statistika javore në lidhje me situatën financiare, kontabël të kompanisë si dhe performancës së stafit që ka nën varësi;
• Krijon, koordinon dhe monitoron raporte që gjeneron departamenti i financës në përputhje me kërkesat e menaxhimit të shoqërisë;
• Analizon dhe ndjek zbatimin e procedurave të departamentit, bashkëpunon me drejtuesin e departamentit të Financës për ndryshimin e procedurave dhe operacioneve të kompanisë dhe sugjeron ndryshime për procedurat ekzistuese në funksion të punës dhe kujdeset në respektimin e tyre nga stafi nën varësi;
• Krijimin e raporteve mujore dhe vjetore dhe kujdesi për dorëzimin në kohë dhe në cilësi të raporteve menaxheriale;
• Në mungese të drejtuesit të departamentit mban kontakte dhe evidenca për problematika të ndryshme;
• Kontrollon në mënyrë të detajuar shpenzimet dhe të ardhurat mujore të realizuara;

• Përgjegjës për kontrollin e databazës së aseteve të kompanisë, si dhe pjesëmarrja në rivlerësimin e gjendjes së aseteve të kompanisë;
• Përgatitja e deklarimeve mujore si dhe ndjekja e pagesave brenda afateve të përcaktuara ligjore;
• Mban përgjegjësi për çdo shkelje për shkak të pakujdesisë në dokumentacion si dhe nga mos zbatimi i drejtë i legjislacionit fiskal;
• Kujdesi për pagesën e taksave vendore çdo vit për çdo nipt si dhe përgjegjësia për regjistrimin në bashki të nipteve sekondare për njësitë e reja;
• Bashkëpunon me departamentet e tjera dhe jep kontributin e tij në kompani për mbarëvajtjen dhe zbatimin sa më të mirë të legjislacionit fiskal;
• Përgatit pasqyrat financiare dhe ndjek kontrollet tatimore;
• Përgjigjet dhe ndjek proceset e auditimit të pasqyrave financiare si dhe proceseve të ndryshme të auditimit të brendshëm;
• Asiston në përgatitjen e buxheteve vjetore, si dhe Biznes Planeve;

Eksperiencat e punës:

• Minimumi 5 vite eksperiencë në profesion.

Aftësi të tjera:

• Të ketë njohuri të mira të Standardeve të reja Kombëtare të Kontabilitetit si dhe të Standardeve Ndërkombëtare të Kontabilitetit (IFRS);
• Të jetë i/e orientuar drejt detajeve;
• Të ketë iniciativë, komunikues, të punojë mirë në grup dhe nën stres;
• I/ E orientuar për të ndjekur problemet dhe çuar drejt zgjidhjes përfundimtare;
• Të zotërojë programin Navision;
• Njohja e mirë e gjuhës angleze;
• Fleksibël në orare.

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në adresën hr@balfinrealestate.al me subjekt: Përgjegjës Kontabiliteti.

Afati i dorëzimit: 25/04/2022

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.