[Balfin Real Estate]

Tirane

Tipi

1. me orar te plote

Fusha | Profili i punes

1. Supervizor

Gjuha

Eksperienca

vetem me eksperience

Balkan Finance Investment Group, Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoni Veriore, Mali i Zi dhe Holandë, me afërsisht 6,000 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me pakicë, sistemin bankar, turizmin, energjinë, logjistikën, etj. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.
Balfin Real Estate & Hospitality është pjesë e Grupit BALFIN dhe mbulon shërbime shitje & marketing në fushën e Real Estate dhe shërbime akomoduese në industrinë e turizmit, duke ofruar në treg një ekspertizë të nivelit të lartë.

Pozicioni: Supervizor i Kujdesit ndaj Klientit
Departamenti: Marketing
Vendndodhja: Tiranë

Përmbledhja e Pozicionit:
Supervizori i Kujdesit ndaj Klientit është përgjegjës për menaxhimin e skuadrës së Kujdesit ndaj Klientit. Kujdeset që telefonatat, ‘leads’, ankesat, kërkesat për informacion të trajtohen në bazë të procedurave të kompanisë dhe grupit. Supervizori menaxhon skuadrën e Kujdesit ndaj Klientit dhe kujdeset të përmirësojë mënyrën e operimit duke optimizuar proceset në funksion të përmirësimit të punës. Supervizori i merr detyrat në mënyrë periodike dhe ditore nga Drejtori i Marketingut, PR dhe Komunikimit dhe ka gatishmërinë për të kontribuar në ecurinë e punës dhe rritjen e kënaqësisë së klientit, rrjedhimisht dhe rritjen e imazhit të kompanisë.

Detyrat dhe Përgjegjësitë Kryesore:

• Drejton dhe orienton anëtarët e skuadrës për të siguruar që të gjitha komunikimet apo rastet e prezantuara nga klientët janë menaxhuar sipas procedurave në fuqi, u janë përgjigjur në kohë dhe në mënyrën më të mirë të mundshme për të siguruar eksperiencë dhe kënaqësi te klienti;
• Përmirëson mënyrat e operimit për ta bërë shërbimin e klientit gjithnjë e më të thjeshtë;
• Merr masa për ndryshime në mënyrën e operimit kur forma aktuale e operimit nuk është më e përshtatshmja;
• Jep ‘feedback’ vlerësues dhe statistikor eprorit direkt dhe të linjës për sa i përket performancës së anëtarëve të skuadrës;
• Suporton anëtarët e skuadrës gjatë periudhave të ngarkuara apo vështirësive që impaktojnë punën dhe cilësinë e saj;
• Delegon detyra të ndryshme dhe rialokon punën tek anëtarët e ekipit;
• Krijon dhe është përgjegjës për implementimin e procedurës përkatëse dhe përditësimin e saj sipas udhëzimeve dhe praktikave në fuqi.

Eksperiencat e punës:

• Të ketë të paktën 3 vite eksperiencë pune në pozicion të ngjashëm.

Aftësi të tjera:

• Të ketë eksperiencë në kujdesin ndaj klientit, ‘call center’ ose kontakt center;
• Të ketë eksperiencë në menaxhimin e ekipeve;
• Aftësi shumë të mira të menaxhimit, sidomos të situatave problematike në lidhje me klientët por edhe anëtarët e ekipit;
• Të ketë eksperiencë në dëgjimin aktiv;
• Të ketë eksperiencë në sistemet CRM dhe praktikat përkatëse;
• Njohuri të shkëlqyera të përdorimit të Excel;
• Njohuri të shkëlqyera të përdorimit të PowerPoint;
• Aftësi të shkëlqyera në komunikim dhe prezantim;
• Aftësi në menaxhimin e një sërë detyrave njëherazi;
• Diplomë e shkollës së lartë;
• Njohje shumë e mirë e gjuhës shqipe dhe asaj angleze. Përbëjnë avantazh gjuhët e tjera;
• Të jete i/e aftë të punojë nën presionin e afateve dhe volumit të punës duke respektuar afatet.

Mënyra e aplikimit:

Të gjithë të interesuarit mund të aplikojnë duke dërguar CV-në e tyre dhe letrën e motivimit në adresën hr@balfinrealestate.al me subjekt: Supervizor i Kujdesit ndaj Klientit.

Afati i dorëzimit: 06/02/2022

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.