[Balfin Real Estate]

Tirane

Tipi

1. me orar te plote

Fusha | Profili i punes

1. Supervizor

Gjuha

1. anglisht

Eksperienca

vetem me eksperience

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoni Veriore, Mali i Zi dhe Holandë, me afërsisht 6,000 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me pakicë, industrinë minerare, sistemin bankar, turizmin, energjinë, logjistikën, etj. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.
Balfin Real Estate & Hospitality është pjesë e BALFIN Group dhe mbulon shërbime shitje & marketing në fushën e real estate dhe shërbime akomoduese në industrinë e turizmit duke ofruar në treg një ekspertizë të nivelit të lartë.

Pozicioni: Supervizor Logjistike
Departamenti: Burime Njerëzore
Vendndodhja: Tiranë

Përmbledhja e Pozicionit:
Supervizori i Logjistikës është përgjegjës për planifikimin dhe menaxhimin e të gjithë aktiviteteve të transportit, akomodimit, si dhe plotësimit të nevojave operative të kompanisë. Supervisori i Logjistikës koordinohet me të gjithë departamentet e kompanisë.

Detyrat dhe Përgjegjësitë kryesore:

• Përgjegjës për organizimin e transportit të stafeve, aseteve dhe dokumentacioneve të ndryshme në të gjitha pikat e operimit të kompanisë;
• Shqyrton dhe përditëson strategjitë/ procedurat nën objektivin kryesor të zhvillimit të biznesit duke mundësuar funksionalitetin optimal;
• Planifikon, mbikëqyr asetet dhe infrastrukturën logjistike;
• Përgjegjës për ndjekjen dhe përmbushjen e të gjitha nevojave për transport dhe lëvizjeve në terren të stafit të kompanisë;
• Mbikëqyr gjendjen e mjeteve dhe ndjek rregullisht proceset e mirëmbajtjes së tyre;
• Përgjegjës për monitorimin dhe mirëmbajtjen e makinës së CEO-së së kompanisë;
• Menaxhon sistemin GPS të gjithë flotës së makinave të kompanisë;
• Raporton ndarjen e kostove për punonjësit sipas qendrave të kostove të dërguara nga departamenti i Burimeve Njerëzore çdo muaj;
• Kujdeset për devijancat e buxheteve;
• Zhvillon biznesin duke reduktuar kostot, duke analizuar problemet dhe arritur zgjidhje të reja logjistike.
• Planifikon vazhdimësinë e biznesit duke krijuar protokolle dhe kundërmasa për rastet e emergjencave dhe forcave madhore për të shmangur ndërprerjen e punës;
• Zgjidh në mënyrë eficiente dhe sa më praktike emergjencat e lindura;

• Ndjekja e të gjithë problematikave për akomodimin e punonjësve;
• Mbulon komunikimet me kompanitë automobile mbi makinat me qira në funksion të kompanisë;
• Përgjegjës për hartimin e udhëzimeve metodologjike të punës dhe rregulloreve që i shërbejnë stafit vartës (shoferit) me qëllimin e vetëm mirëfunksionimin e punëve;
• Ndjek dhe koordinon punën me Menaxherin e Burimeve Njerëzore për probleme të ndryshme në aspektin e logjistikës për të gjitha nevojat e shërbimet që kanë departamentet;
• Kryen shërbime mbështetëse të natyrave të ndryshme kur është nevoja në shërbim të logjistikës së Balfin Real Estate and Hospitality.

Eksperiencat e punës:

• Përvojat e përgjithshme në këtë fushë jo me pak se 5 vjet në të njëjtën fushë.

Aftësi të tjera:

• Të ketë përfunduar studimet e larta;
• Të ketë njohuri të mira të gjuhës Angleze;
• Të zotërojë paketën Microsoft Office;
• Leje drejtimi automjeti (Klasi B);
• Aftësi të shkëlqyera organizative, duke përfshirë aftësitë për të planifikuar punën dhe vendosur prioritete;
• Aftësi të shkëlqyera komunikuese, të zotërojë etikë pune dhe integritet;
• Aftësi për të lëvizur në distance të largëta me makinë, si në Shqipëri dhe në rajon;
• Aftësi të shkëlqyera analitike dhe aftësi për të zgjidhur në mënyrë efikase problemet;
• Aftësi për të kryer shumë detyra njëkohësisht dhe aftësi për të qenë i orientuar tek detajet;
• Aftësi shumë të mira ndërpersonale;
• Aftësi për të koordinuar punën dhe projektet përkatëse;
• Ndjenjë përgjegjësie;
• Njohuri në përpilim kontratash në sipërmarrje;Aftësi për të ruajtur qetësinë gjatë situatave me stres të lartë dhe për të ruajtur fokusin mbi objektivat përfundimtare.

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në adresën hr@balfinrealestate.al me subjekt: Supervizor Logjistike.
Afati i dorëzimit: 15/02/2022
*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.