[Balfin Real Estate]

Tirane

Tipi

1. me orar te plote

Fusha | Profili i punes

1. Menaxhim

Gjuha

Eksperienca

vetem me eksperience

Pozicion Vakant

Balkan Finance Investment Group, Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor.Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoni Veriore, Mali i Zi dhe Holandë, me afërsisht 6’000 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me pakicë, industrinë minerare, sistemin bankar, turizmin, energjinë, logjistikën, etj.Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.
Balfin Real Estate & Hospitality është pjesë e Balfin Group dhe mbulon shërbime shitje & marketing në fushën e real estate dhe shërbime akomoduese në industrinë e turizmit duke ofruar në treg një ekspertizë të nivelit të lartë.

Pozicioni: National And International Team Leader
Departamenti: Shitje
Vendndodhja: Tiranë

Përmbledhja e Pozicionit:
Team Leader suporton në zhvillimin dhe planifikimin e strategjive të shitjes, propozon plan buxhete, menaxhon marrëdhëniet me klientët, siguron gjetjen e klientëve të rinj, ndjekjen e procesit të shitjeve dhe aktiviteteve të shitjes: parashitja, shitja dhe passhitja, me qëllim realizimin e objektivave të kompanisë.

Detyrat dhe Përgjegjësitë Kryesore:

• Team Leader është pjesë e rëndësishme/ jetike e hartimit dhe implementimit të strategjisë së listimeve dhe strategjisë së shtrirjes së pikave të shitjes në qytetet e Shqipërisë dhe në kryeqytete apo qytete evropiane, planeve të biznesit dhe objektivave të Departamentit të Shitjeve dhe të gjithë kompanisë BRE&H;
• Në bashkëpunim me departamentin e Marketingut dhe stafin e shitjes, bën studime, analiza dhe hulumtime për projektet, tipologjitë, vendndodhjet;
• Ngre dhe zbaton strategji marketingu të personalizuara të zyrave dhe tregjeve ku operojnë zyrat, sipas një strategjie të aprovuar nga departamenti i marketingut dhe titullari;
• Ngre dhe zbaton strategjinë e penetrimit dhe shitjes në tregjet e synuara ku ndodhen pikat e shitjes apo dhe të reja;
• Është përgjegjës për të koordinuar, implementuar dhe për të qenë në linjë me strategjinë e marketingut të ndjekur nga Zyrat Qëndrore, dhe për ta implementuar këtë strategji në çdo pikë shitje dhe kanalet e komunikimeve audiovizive që çdo zyrë përdor.
• Bazuar në studimin e tregut dhe potencialin e tij, përgatit planin e ekspansionit të zyrave dhe organizion stafet e strukturat për hapjen e tyre;
• Përgatit planet e biznesit të çdo zyre dhe është përgjegjës për rezultatin financiar të zyrave, kontrollin e të ardhurave dhe shpenzimeve, maksimizimin e shitjeve dhe përfitueshmërinë;
• Është përgjegjës per implementimin dhe ruajtjen e imazhit vizual të zyrave dhe të stafit të zyrave BRE&H në bashkëpunim me stafet përkatëse;
• Team Leader është gjithnjë në koherencë dhe në dijeni të projekteve të reja të grupit dhe jo vetëm, të planeve urbanistike, të qendrave të mëdha tregtare, të ecurisë makro të tregtimit të pronave në Shqipëri si ato rezidenciale, ashtu edhe ato të biznesit;
• Përgatit nëpërmjet stafit të tij dokumentacionin e duhur dhe të gjithë file-n për të prezantuar kompaninë BRE, kontratat e bashkëpunimit dhe skripte të detajuara për negocimin dhe prezantimin e kompanisë, projekteve të saj, pronave dhe vetes në mënyrë sa më dinjitoze;
• Kryen planifikimin e nevojshëm për përgatitjen e buxhetit vjetor të shitjeve për projektin që ka në menaxhim;
• Siguron për stafin në varësi një ambient stimulues dhe suportues;
• Ngre dhe ruan standartet për një shërbim klienti sa më dinjitoz në të gjitha zyrat e shitjeve;
• Siguron për stafin në varësi informacionin dhe trajnimet e nevojshme;
• Është përgjegjës për ndarjen e detyrave dhe objektivave të stafit, si dhe bën vlerësimet e performancës së stafit.

Eksperiencat e punës:

• Eksperienca e punës minimalisht 3 vjet në kompani me aktivitet të ngjashëm është avantazh.

Aftësi të tjera:

• Diplomë e arsimit të lartë në fushën e biznesit;
• I/E orientuar dhe me fokus të qartë, cilësi të larta dhe të jetë familjar me biznesin;
• Aftësi të mira në biznes dhe shitje;
• I/E matur, i/e besueshëm dhe profesional në marrëdhëniet me ekzekutivët e Kompanisë;
• Të ketë aftësi të mira komunikimi dhe të dijë të bëhet pjesë e grupit dhe të punojë në grup;
• Njohuri të mira kompjuterike, MS Office, Autocad (read);
• Aftësi organizuese dhe koordinuese;
• Duhet të jetë i përkushtuar, pozitiv dhe punëtor;
• Në gjendje të punojë nën presion dhe për të përmbushur afatet;
• Aftësi për të bindur dhe për të ndikuar tek të tjerët;
• Aftësi për të zhvilluar dhe për të dhënë prezantime;
• Të posedojë patentë për drejtim automjeti;
• Të jetë fleksibël;
• Njohje shumë të mirë të gjuhës angleze, gjuhë të tjera përbëjnë avantazh;

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në adresën hr@balfinrealestate.al me subjekt: National And International Team Leader.
Afati i dorëzimit: 30/09/2021
*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.