[Balfin Real Estate]

Tirane

Tipi

1. me orar te plote

Fusha | Profili i punes

1. Marketing

Gjuha

1. anglisht

Balkan Finance Investment Group, BALFIN Group, është një ndër grupet investuese më të rëndësishme dhe më të suksesshme në rajonin e Ballkanit Perëndimor. Aktivitetet e Grupit BALFIN përfshijnë zhvillimin dhe menaxhimin e pasurive të paluajtshme, tregtinë me pakicë, industrinë minerare, sistemin bankar, turizmin, energjinë, logjistikë, etj. Gjeografikisht Grupi është i pranishëm në Austri, Shqipëri, Kosovë, Bosnje dhe Hercegovinë, Maqedoninë e Veriut, Mali i Zi dhe Vendet e Ulëta duke punësuar më shumë se 6’000 persona. Grupi BALFIN është në rritje të vazhdueshme dhe synon përmirësimin e qëndrueshëm dhe afatgjatë të komuniteteve nëpërmjet zhvillimit ekonomik, rritjen e punësimit dhe investimeve sociale.
Balfin Real Estate & Hospitality është pjesë e BALFIN Group dhe mbulon shërbime shitje & marketing në fushën e real estate dhe shërbime akomoduese në industrinë e turizmit duke ofruar në treg një ekspertizë të nivelit të lartë.


Pozicioni: PR Marketing Specialist
Departamenti: Marketing
Vendndodhja: Tiranë

Përmbledhja e Pozicionit:

Përgjegjësia kryesore e rolit të PR & Marketing Specialist është shkrimi, hartimi dhe zhvillimi i përmbajtjes informative për materialet promovuese. Specialisti zhvillon në mënyrë kreative ide dhe tekste për departamentin e Marketingut, PR dhe Komunikimit në veçanti dhe të materialeve të të gjithë kompanisë në përgjithësi. Ai/Ajo do të bashkëpunojë ngushtë me Graphic & Digital Designer, Digital Marketing Specialist, Account Supervisor dhe Market Research Coordinator për të ndërtuar komunikim publik sa më të mirë për produktet e kompanisë. Specialisti i merr detyrat ditore nga koordinatori i PR & komunikimit dhe ka gatishmërinë për të kontribuuar në komunikimin publik dhe rritjen e imazhit të kompanisë.

Detyrat dhe Përgjegjësitë Kryesore:

• Bashkëpunon ngushtë me eprorët për të hartuar, artikuluar dhe zhvilluar strategjinë e pozicionimit dhe diferencimit në treg për markat e projekteve që kompania menaxhon si edhe për markën e vetë kompanisë.
• Krijon, zhvillon dhe zbaton planin e komunikimit marketing, duke përdorur kanale dhe taktika të ndryshme, për të gjeneruar më shumë leads/ shitje.
• Krijon materiale marketing (online & print) dhe broshurat e kompanisë:
• Shkruan dhe redakton materiale të shkruara, broshura, ftesa, flyers, newsletter, raporte;
• Shkruan, redakton dhe përditëson informacionin në faqet e ndryshme online të menaxhuara nga kompania
• Shkruan, redakton, korrigjon komunikime të ndryshme të kompanisë në website, rrjete sociale, media, portale, etj.
• Zhvillon fushata promocionale dhe materiale të ndryshme për targetimin e segmenteve të tregut ku operon kompania apo ku promovohen projektet e ndryshme qe menaxhon kompania.
• Gjeneron përmbajtje origjinale për website të kompanisë dhe të projekteve të saj si edhe prodhon përmbajtje (content) për komunikim në rrjetet sociale.
• Propozon tematika për zhvillimin e materialeve dhe aktiviteteve marketing.
• Promovon kompaninë përmes iniciativave të Marrëdhënieve me Publikun.
• Kontribuon në materialet e marrëdhënieve me publikun, si komunikata për shtyp, artikuj në shtyp, website, prezencë në media sociale dhe publicitete dhe bashkëpunon me mediat për shpërndarjen e nevojshme të materialeve.
• Harton planin e eventeve, ndjek organizimin dhe ekzekutimin cilësor te eventeve dhe aktiviteteve te ndryshme marketing.
• Asiston në planifikimin dhe zbatimin e aktiviteteve marketing ku përfshihet kërkimi në treg, mbajtja e një fasade konkurruese në treg; merr pjesë në zhvillimin dhe zbatimin e planit të përmbajtjes marketing.

Edukimi:
Preferohet te ketë diplomë Master në Marketing/Gazetari/Marrëdhënie me Publikun/Gjuhë-Letërsi

Eksperiencat e punës:
Përvojat e përgjithshme në këtë fushë jo me pak se 3 vjet ne te njëjtën fushë

Aftësi të tjera:

• Aftësi krijuese strategjike, analitike dhe organizative (R)
• Aftësi komunikimi në të shkruar dhe verbale (R )
• Zotërim të gjuhëve Shqip dhe Anglisht në nivel të lartë
• Eksperiencë në udhëheqjen e fushatave marketing (R )
• Eksperiencë në zhvillimin e përmbajtjes SEO (R)
• Aftësi për të reaguar në kohë
• Krijimi i përmbajtjeve të komunikimit (Komunikatë për shtyp, artikuj, blog, komunikim online, dhe materiale të tjera të lidhura me përmbajtjen).
• Aftësi për të bashkëpunuar brenda dhe jashtë kompanisë për të bashkërenduar aktivitetet marketing.
• Aftësi për të krijuar një “storytelling” nëpërmjet të dhënave.
• Udhëheqja e disa projekteve njëkohësisht

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në adresën hr@balfinrealestate.al me subjekt PR Marketing Specialist.
Afati i dorëzimit: 30/06/2021
*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.