[Balfin Real Estate]

Himare

Tipi

1. me orar te plote

Fusha | Profili i punes

1. Ekonomist-Financier/e

Gjuha

1. anglisht

Eksperienca

vetem me eksperience

Pozicion Vakant

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor.
Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoni Veriore, Mali i Zi dhe Holandë, me afërsisht 6,000 punonjës në total.
Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me pakicë, industrinë minerare, sistemin bankar, turizmin, energjinë, logjistikën, etj.
Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.
Balfin Real Estate & Hospitality është pjesë e BALFIN Group dhe mbulon shërbime shitje & marketing në fushën e real estate dhe shërbime akomoduese në industrinë e turizmit duke ofruar në treg një ekspertizë të nivelit të lartë.

Pozicioni: Specialist Finance/ Palasë, Vlorë (Green Coast Resort & Residences)
Departamenti: Financë
Vendndodhja: Palasë, Vlorë (Green Coast Resort & Residences)

Përmbledhja e Pozicionit:
Specialisti i Financës ndjek nga pikëpamja financiare kompaninë, kryen regjistrime, përgatit raporte, inventare etj.

Detyrat dhe Përgjegjësitë kryesore:

• Mbulon mbledhjen e xhirove ditore dhe rakordohet me përgjegjësit e njësive të shërbimit;
• Regjistron arkën dhe plotëson dosjen me dokumentacionin përkatës;
• Regjistron dhe rakordon parapagimet dhe faturimet përfundimtare të klientëve;
• Rakordon sistemin e rezervimeve me sistemin e financës;
• Përgatit librin e shitjeve mujore;
• Përgatit raporte javore mbi gjendjen e klientëve;
• Përgatit raportet mbi ditaret e arkës së bashku me dokumentacionin mbështetës;
• Përgatitja periodike e distingut për derdhje në bankë;
• Mbyllja dhe rakordimi ditor dhe mujor i kasave fiskale;
• Ndjekja e problematikave të kasave fiskale dhe sistemit të fiskalizimit;
• Përgatitja dhe dërgimi periodik i dokumentacioneve në zyrat qendrore;
• Kryerja e procesit të inventarizimit fizik të aseteve dhe inventarit të imët;
• Asistencë në analizën e inventareve.

Eksperiencat e punës:

• Minimumi 5 vjet eksperiencë në këtë profesion.

Aftësi të tjera:

• Diplomë e arsimit të lartë në degët Financë/ Kontabilitet/ Biznes;
• Të jetë i/ e familjarizuar me standardet e reja kombëtare të kontabilitetit;
• Në gjendje të punojë nën presion dhe për të përmbushur afatet;
• Të ketë aftësi të mira komunikimi, të ketë iniciativë dhe të dijë të punojë në grup;
• I/ E orientuar për të ndjekur problemet dhe për t’i çuar drejt zgjidhjes përfundimtare;
• Të ketë njohuri të mira të programit NAV;
• Të jetë fleksibël;
• Të ketë njohuri shumë të mira të gjuhës angleze (gjuha e dytë përbën avantazh);

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në adresën hr@balfinrealestate.al me subjekt: Specialist Finance.

Afati i dorëzimit: 15/01/2022

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.