[Progeen Construction]

Tirane

Tipi

1. me orar te plote

Fusha | Profili i punes

1. Inxh. Ndertimi

Eksperienca

vetem me eksperience

Progeen Construction, është një shoqëri private me eksperiencë 11 vjeçare në industrinë e ndërtimit në Shqipëri. Progeen aplikon standardet më të larta të profesionalizmit në veprimtarinë e tij, duke garantuar cilësi dhe besueshmëri absolute tek klientët dhe partnerët. Progeen çmon më së shumti kapitalin njerëzor të profesionistëve, të cilit i beson suksesin e çdo projekti.


Roli: Inxhinier Strukturist
Departamenti i Projektimit | Skuadra e Strukturës
Vendndodhja: Tiranë



Përmbledhja e Rolit
Kërkojmë një Inxhinier Ndërtimi të Profilit Strukturist, me pasion të spikatur për profesionin, i cili të jetë përgjegjës për projektimin dhe analizimin e strukturës së objekteve civile dhe industriale, si dhe përpilimin e llogaritjeve të hollësishme në lidhje me forcën dhe qëndrueshmërinë e këtyre strukturave. Ai duhet të jetë i motivuar dhe i angazhuar për të realizuar projekte konstruktive të tilla që përfshijnë aplikimin e teknologjive dhe praktikave më të mira në zbatim, duke optimizuar kostot.



Përgjegjësitë:

• Të hartojë projektet e strukturave të objekteve civile dhe industriale duke u referuar normave dhe standardeve evropiane të projektimit;
• Të krijojë modelet strukturale të objekteve civile ose industriale duke shfrytëzuar programet kompjuterike të projektimit;
• Të llogarisë ngarkesat e përhershme dhe të përkohshme të strukturave të objekteve civile dhe industriale;
• Të përzgjedhë materialet e përshtatshme mbi bazën e karakteristikave të strukturës;
• Të hartojë vizatimet, raportet finale dhe preventivat e objekteve civile dhe industriale;
• Të mbikëqyrë proceset e ndërtimit të karabinasë të objekteve dhe të ndihmojë në zgjidhjen e problematikave që hasen gjatë kësaj faze;
• Të bashkëpunojë dhe bashkëveprojë punën me kolegët e Departamentit Teknik të shoqërisë si arkitektët, inxhinierin mekanik, elektrik, si dhe inxhinierë të disiplinave të tjera, për të pasur një produkt final cilësor dhe me kosto sa më efektive.

Kualifikimet:

• Diplomë në Inxhinieri Ndërtimi, profili Strukturist;
• Eksperiencë pune mbi 3 vjet;
• Të ketë eksperiencë dhe njohuri të mira të metodave, materialeve dhe normave të ndërtimit;
• Të jetë i aftë të përshtatet me teknologjinë dhe kërkesat e reja që dikton tregu i ndërtimeve;
• Të jetë i azhurnuar me çmimet e tregut për proceset ndryshme të punimeve për ndërtime civile dhe industriale;
• Të ketë aftësi për të punuar nën presion dhe për të përmbushur afatet e dhëna;
• Të ketë aftësi për të sugjeruar zgjidhje dhe për të marrë vendime;
• Të jetë i aftë të punojë në grup, në bashkëpunim e bashkëveprim me anëtarët e tjerë të stafit të shoqërisë.

Mënyra e aplikimit
Të interesuarit të dërgojnë CV-në në adresën hr@progeen.com, duke specifikuar në subjekt të email-it titullin e pozicionit, brenda datës 11.11.2024.

Do të kontaktohen vetëm kandidatët e përzgjedhur për fazën e intervistimit.

*Të gjitha aplikimet do të trajtohen me konfidencialitet të plotë sipas ligjit Nr. 9887, Datë 10.3.2008 “Për Mbrojtjen e të Dhënave Personale”