[Balfin Construction]

Tirane

Nr. Njesia - Zona me e afert?

Tipi

1. me orar te plote

Fusha | Profili i punes

1. Inxhinieri

Gjuha

1. anglisht

Eksperienca

vetem me eksperience

POZICION VAKANT

Kompania Mane TCI, pjesë e Grupit BALFIN, është lider në ndërtim dhe investim të projekteve zhvilluese, në Shqipëri dhe rajon. E themeluar në vitin 2001, Mane TCI është e specializuar në fushën e ndërtimeve civile dhe industriale, si: Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Holandë dhe Kroaci me afërsisht 5,200 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.

Pozicioni: Menaxher i Njësisë së Këshillit Teknik dhe Mbikëqyrjes
Vendndodhja: Tiranë

Përmbledhja e Pozicionit: Drejton Këshillin Teknik të Kompanisë për analizimin dhe miratimin e projekteve të ndërtimit. Drejton Strukturën e Mbikëqyrjes Teknike në projektet që zhvillohen nga bashkëpunëtorë të tretë.
Harton strategjinë dhe planin e punës për njësinë që menaxhon, në mbeshtetje të të gjitha projekteve që merren përsipër të investohen nga kompania. Mbështet dhe punon ngushtë me Menaxherët e Projekteve. Me prezencën e tij në kontrolle të vazhdueshme të punimeve/instalimeve, siguron implementimin e kushteve të kontratës në mënyrë korrekte duke vendosur linja të qarta komunikimi mes Zhvilluesve të tjerë.

Detyrat dhe Përgjegjësitë Kryesore:

• Asiston në zhvillimin dhe vlerësimin e projektit për të përcaktuar nëse ai eshte i realizueshëm dhe nëse ja vlen të ndërmerret;
• Asiston PM në hartimin e studimeve të fizibilitetit, analizat kosto-përfitim, termat e referencës për studime;
• Assiton PM në studimin e alternativave;
• Asiston PM në përcaktimin e aktiviteteve kryesore të projektit, kohën e realizimit të tyre dhe vlerën e investimit;
• Siguron konsulencë teknike për aspekte të caktuara të menaxhimit të projektit që janë përtej fushës së njohurisë së Projekt Menaxherit;
• Kryen/Koordinon oponencën teknike në dorëzim të çdo faze të projektimit;
• Përgatit TOR (detyrën e projektimit);
• Jep konsulencë teknike gjatë periudhës së nënshkrimit të kontratës midis Shoqërisë Investitore dhe Sipërmarrësve;
• Jep konsulencë & mbikëqyrje me kompetenca të plota në përputhje me kontratën dypalëshe të lidhur midis Kompanive Investitore dhe Sipërmarrësve;
• Kujdeset që të gjitha interpretimet janë në përputhje me legjislacionin në fuqi;
• Siguron mbikëqyrje të punimeve të Objektit, sipas kontratës me Zhvilluesin, projektit, përshkrimeve teknike të projektuesit, dhe standarteve më të mira të mundshme;
• Jep aprovimin e grafikut të punimeve, metodologjisë së punimeve, të kontraktorit, dhe skemës organizative të tij, përfshi personelin dhe makineritë në dispozicion të projektit, në rastet kur kjo është e mundur kontraktualisht;
• Sigurohet mbi aplikimin e materialeve/paisjeve sipas kërkesave të projektit;
• Përgatit raporte teknike për Kompanite Investitore;
• Merr në dorezim punimet pjesore ose totale (pjesëve takuese) duke ndjekur praktikat në përputhje me kontratën dhe specifikimet teknike, duke kryer të gjitha inspektimet dhe testimet e kërkuara, dhe përpilimin e dokumentacionit përkatës;
• Kryen raportim teknik javor/mujor mbi progresin e zhvillimit, problematikave, menaxhimit të hedhjes së mbeturinave ndërtimore apo inerteve, etj;
• Jep suport teknik dhe kontraktual gjatë periudhës së defekteve;
• Aprovon dhe merr në dorëzim vizatimet e punës “as built”;
• Ruan dhe siguron arkivimine të gjithë dokumentacionit teknik, që lidhet me këtë kontratë, projektet, ndryshimet, matjet, testimet, instruksionet, raportet, takimet, komunikimet etj.;
• Në bashkëpunim me BNJ, përgatit vlerësimin e performancës për ata punonjës që janë në varësi të tij;
• Drejton strukturën e mbikëqyrjes:
• Përcakton nevojat për staf, organizon punën dhe miraton detyrat në koordinim me drejtorin teknik;
• Menaxhon dhe kontrollon zbatimin e detyrave;
• Orienton vartësit në procesin e punës;
• Jep feedback në mënyrë të vazhdueshme për ta;
• Ndjek ecurinë dhe zhvillimin e tyre, siguron asistencë teknike, monitoron progresin e punës dhe bën vlerësimin e performancës.

Edukimi: Diplomë Master në Arkitekturë/Inxhinieri Ndërtimi
Kualifikime të tjera:

• Eksperiencë 20 vjeçare në projektim dhe zbatim punimesh;
• Eksperiencë 5 vjeçare në mbikëqyrje punimesh;
• Aftësi për të sugjeruar zgjidhje dhe për të marrë vendime;
• Aftësi kritike mbi detajet e projektimit e shprehur në anën funksionale dhe estetike;
• Aftësi për të koordinuar punën dhe projektet përkatëse;
• Aftësi shumë të mira komunikuese për të punuar në skuadër;
• Aftësi menaxhuese, koordinuese, organizuese;
• Njohje shumë e mirë e gjuhës angleze, gjuhë të tjera të huaja do të ishin avantazh;
• Njohje shumë e mirë e legjislacionit për punimet e ndërtimit.

Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në adresën recruitment@manetci.al brenda datës 10 Janar 2023.

Pas shqyrtimit do të kontaktohen vetëm kandidatët e përzgjedhur.
*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.