[Balfin DEVELOPMENT]

Tirane

Tipi

1. me orar te plote

Fusha | Profili i punes

1. Finance-Specialist | Banke / Sigurime

Gjuha

1. anglisht

Eksperienca

vetem me eksperience

Mane Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit.
Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Mane Development ka vendosur standardet e tregut duke përmirësuar ndjeshëm stilin e jetës në komunitet.

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe SHBA, me afërsisht 5,000 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale

Pozicioni: Specialist i Lartë Finance
Departamenti: Financë
Vendndodhja: Tiranë

Përmbledhja e Pozicionit: Roli i tij/saj konsiston në përgatitjen e përgjithshme të pasqyrave financiare vjetore dhe mujore, në përputhje me standardet dhe procedurat e shoqërisë. Kontrollon kontabilizimin e faturave të blerjes dhe shitjes në perputhje me legjislacionin fiskal në fuqi. Kontrollon në mënyrë të detajuar shpenzimet dhe të ardhurat mujore të realizuara të projektit përkatës që ka në ndjekje. Asiston në hartimin e buxhetit dhe Biznes Planit të shoqërisë.

Detyrat dhe Përgjegjësitë Kryesore:

• Kontrollon kontabilizimin e faturave të blerjes dhe shitjes në perputhje me legjislacionin fiskal në fuqi;
• Ndjek deklarimet mujore të Librave të Blerjes dhe të Shitjes, TVSH, tatim në burim;
• Rakordon dhe kontrollon llogaritë e arkëtueshme dhe të pagueshme në mënyrë periodike;
• Ndjek raportin e kontratave dhe arkëtimeve të klientëve;
• Krijon, koordinon dhe monitoron raportet që gjeneron Departamenti i Financës në përputhje me kërkesat e menaxhimit të shoqërisë;
• Analizon dhe ndjek zbatimin e procedurave të departamentit, sugjeron ndryshime për procedurat ekzistuese në funksion të punës;
• Përgatit CashFlown e shoqërisë në mënyrë periodike;
• Kryen pagesa me bankë dhe i kontabilizon ato.Plotëson setin e dokumentave shoqërues sipas procedurës;
• Ndjek marrëdhënien e kredisë për financimin e investimit të projektit;
• Kontrollon në mënyrë të detajuar shpenzimet dhe të ardhurat mujore të realizuara të projektit përkatës që ka në ndjekje;
• Përgatit pasqyrat financiare mujore/vjetore menaxheriale;
• Punon me auditorët e shoqërisë gjatë proceseve audituese;
• Asiston në përgatitjen e buxheteve vjetore, si dhe Biznes Planeve;
• Çdo detyrë tjetër që i caktohet.

Edukimi: Diplomë në Financë

Kualifikime të Tjera:

• Të ketë minimumi 5 vjet eksperiencë në profesion;
• Të ketë njohuri të mira të Standardeve të reja Kombëtare të Kontabilitetit si dhe të Standardeve Ndërkombëtare të Kontabilitetit (IFRS);
• Të jetë i/e aftë të punojë pa/ose me pak supervizim;
• Të ketë iniciativë, të jetë i/e komunikuese, të punojë mirë në grup;
• Të jetë i/e orientuar për të ndjekur problemet dhe për të arritur zgjidhjen përfundimtare;
• Të ketë njohuri të mira të programit Financa 5;
• E preferueshme njohja e gjuhës angleze;
• Eksperiencë e mëparshme pune në kompani ndërtimi/investimi përbën avantazh.

Mënyra e Aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në linkun: https://manedevelopment.zohorecruit.../Specialist-i-Lartë-Finance?source=CareerSite


Afati i aplikimit: 02/08/2023

Pas shqyrtimit do të kontaktohen vetëm kandidatët e përzgjedhur.

*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”.